Amdanom ni
Crëwyd Bwrdd Iechyd Prifysgol Bae Abertawe (ABMU yn flaenorol) ar 1 Ebrill 2019, ac mae’n gwasanaethu poblogaeth o tua 390,000 yn ardaloedd Castell-nedd Port Talbot ac Abertawe.
Mae Bwrdd Iechyd Prifysgol Bae Abertawe yn cynllunio, yn comisynu ac yn darparu gwasanaethau gofal iechyd i bobl Castell-nedd Port Talbot ac Abertawe, ac yn gweithio i wella eu hiechyd a’u lles. Rydym yn gwasanaethu poblogaeth o tua 390,000, mae gennym gyllid o tua £1.167biliwn ac rydym yn cyflogi bron i 13,500 o staff.
Mae Bwrdd Iechyd Prifysgol Bae Abertawe yn cynnwys tri ysbyty mawr:Treforys a Singleton yn Abertawe, ac Ysbyty Castell-nedd Port Talbot ym Maglan, Port Talbot.
Rydym yn rhedeg ysbyty cymunedol a chanolfannau adnoddau gofal sylfaenol yn darparu gwasanaethau clinigol tu allan i brif ysbytai; ynghyd ag ystod lawn o wasanaethau gofal iechyd arbenigol a lleol gan gynnwys 49 meddygfa ac uned losgiadau sy’n gweithredu’n llawn.
Rydym yn darparu dros 70 o wasanaethau arbenigol i boblogaethau de-orllewin Cymru, de Cymru ac, i rai gwasanaethau, ar sail Cymru Gyfan a’r DU. Mae hyn yn adlewyrchu ein rhagoriaeth glinigol a’n hystod amrywiol o wasanaethau lleol a thrydyddol ar gyfer pobl Cymru a thu hwnt.
Mae contractwyr gofal sylfaenol annibynnol yn chwarae rôl hanfodol yng ngofal ein poblogaeth, ac mae’r Bwrdd Iechyd yn comisiynu gwasanaethau gan 49 o bractisau Meddyg Teulu, 31 o bractisau optometreg, 72 o bractisau deintyddol a 92 o fferyllfeydd cymunedol ar draws ein rhanbarth.
Mae gwasanaethau iechyd meddwl ac anableddau dysgu yn cael eu darparu yn ysbytai a lleoliadau cymunedol i breswylwyr o fewn rhanbarth Bae Abertawe, ac rydym yn darparu gwasanaeth rhanbarthol i wasanaethau anableddau dysgu ac iechyd meddwl fforensig.
Practis Meddyg Teulu
Practis Deintyddol gan gynnwys Orthodontwyr
Gwasanaeth Iechyd Meddwl ac Anabledd Dysgu
Fferyllfeydd Cymunedol
Arferion Optometreg
Uned Llosgiadau a Llawfeddygaeth Blastig yn Ysbyty Morrison
Mae gwasanaethau iechyd meddwl allweddol arall yn cynnwys:
Practisau Meddyg Teulu:
Mae ein Meddygon Teulu yn gweithio ochr yn ochr ag amrywiaeth mawr o weithwyr gofal iechyd proffesiynol mewn practisau lleol yng nghanolfannau iechyd ar draws yr ardal. Mae 49 o bractisau Meddyg Teulu ar draws ardal Bae Abertawe.
Gofal Deintyddol:
Mae ardal Bae Abertawe yn gartref i 72 o bractisau deintyddol, gan gynnwys orthodontyddion.
Mae dau o bractisau deintyddol Abertawe, Eastside Dental yng Nghanolfan Iechyd Beacon a practis deintyddol Belgrave yn Uplands, yn rhan o gynllun peilot arloesol fydd yn cael ei gyflwyno ledled Cymru dros y blynyddoedd nesaf. Bwriad y cynllun yw helpu deintyddion i weld mwy o gleifion drwy ganolbwyntio ar atal yn hytrach na gwella.
Mae’r cynllun eisoes wedi caniatáu i un o’r meddygfeydd drin dros 3,000 yn fwy o gleifion.
Optometreg:
Mae gan Abertawe 31 practisau optometreg
Mae’r Gwasanaeth Archwiliad Iechyd Llygaid yn cynnig asesiadau am ddim i gleifion ar gyfer mân faterion. Gall optometryddion yng Nghymru hefyd gynnig Gwasanaeth Golwg Isel, gan roi un asesiad llawn am ddim y flwyddyn i’r rhai sydd â chyflyrau llygaid presennol.
Fferyllfeydd:
Mae 92 o fferyllfeydd cymunedol yn ardal Bae Abertawe. Gall ein fferyllwyr gynnig ymgynghoriadau a darparu meddyginiaeth bresgripsiwn yn unig ar gyfer nifer o anhwylderau yn uniongyrchol o’u practis lleol. Maent hefyd yn darparu triniaethau dros y cownter ar gyfer cyflyrau bob dydd.